Prezidente Board ASERD-TL, Mateus Soares Maia. Imajen/Nelson de Sousa

DILI, 06 fevereiru 2020 (TATOLI) – Asosiasaun Servisu Redusaun Risku Dezastre-Timor-Leste (ASERD-TL) liu husi programa ‘desaster preparedness’ sei kuda ai-oan rihun 500 iha Munisípiu Dili, Liquiça, Lautem no Covalima, atu halo prevensaun ba risku dezastre husi rai monu.

Notísia Relevante : ASERD Halo Workshop Nasionál Hodi Define Planu Estratéjiku Jestaun Dezastre

Prezidente Board ASERD-TL, Mateus Soares Maia hatete, alvu implementasaun sei identifika fatin ne’ebé veneravel risku iha aldeia, suku, postu to’o munisípiu hosi rai monu.

Programa ne’e mós sei identifika bee matan sira atu bele kuda ai ba no ai-oan ne’ebé atu kuda mak hanesan mahuni, legun, hali, au no sira seluk tan.

Ba jornalista sira , ohin, iha salaun Esperansa, Delta, Dili, Mateus Soares Maia, esplika, ho implementasaun programa ne’e, iha tempu oin, bele próteze ambiente husi  dezastre erupsaun ka rai monu, nune’e mós próteze bee matan iha tempu bai-loron naruk.

Ba programa kuda ai-oan ne’e ASERD sei kolabora ho autoridade lokál, komunidade hodi bele partisipa másimu atu hamutuk hamatak Timor ho kuda ai-oan no haburas ambiente.

Programa ‘desaster preparedness’ hetan apoiu fundu husi parseiru Give2 Asia $60.000,00 ne’ebé daudaun implementa husi organizasaun naun governmental (ONG) tolu hanesan Ccc, Prospect, Funded ne’ebé sai mahon ba ASERD.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here