Sekretáriu Estadu Protesaun Sivíl Alexandrino Xavier Araújo, Ministru Defeza no Ministru Interior Interinu, Filomeno da Paixão de Jesus, ho UN Rezidente Koordenadór iha Timor-Leste Roy Trivedy. Imajen/Nelson de Sousa

DILI, 05 fevereiru 2020 (TATOLI) – Sekretáriu Estadu Protesaun Sivíl (SEPS), Alexandrino Xavier de Araújo, ohin, halo enkontru koordenasaun ho Koordenadór Rezidente ONU iha Timor-Leste, Roy Trivedy, atu oinsá parte rua servisu hamutuk atende vítima dezastre naturál.

Sekretáriu Estadu Alexandrino Xavier de Araújo, espera katak, husi enkontru ne’e bele hametin liu tan koordenasaun no preparasaun servisu sira iha tempu oin mai atu hamutuk atende vítima dezastre naturál iha territóriu nasionál.

Durante ne’e ajénsia internasionál ne’ebé tutela ba rezidente ONU iha TL kolabora ho SEPS hodi fó mós apoiu umanitária emerjénsia hanesan hahán no sasán sira k ba vítima dezastre naturál iha territóriu.

Organizasaun internasionál sira husi mahan ONU nian iha Timor-Leste mós fasilita apoiu formasaun tékniku ba funsionáriu Diresaun Dezastre no korpu Bombeiru rekolla dadus emerjénsia no halo atendimentu emerjénsia ba vítima dezastre natural sira.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here