DILI, 05 fevereiru 2020 (TATOLI)-Xefe Gabinete Kontrolu Kualidade HNGV, Sara Maria Xavier hateten, Kazu Dengue ne’ebé mak Hospitál Nasionál Guido Valadares rejista iha sala perinatolojia iha na’in neen (6) maioria mai husi Munisípiu Ermera.

Tanba ne’e, nia hatutan, husu ba komunidade sira atu kontinua nafatin limpeza iha uma sorin-sorin atu nune’e ambiente bele moos liuliu hamatan ba bee-nalihun an iha kalen ka roda nia laran tenke fakar atu evita susuk labele tolun iha laran.

“Bee-nalihun sira ne’ebé mak iha kalen no iha roda uzadu nia laran, presiza hamoos no fakar sai. Hodi nune’e, susuk la bele tolun iha ne’ebá para nune’e la bele fó impaktu ba ita-nia saúde liu liu ba labarik sira,” dehan Xefe Gabinete Kontrolu Kualidade HNGV, Sara Maria Xavier, ba jornalista sira iha HNGV, ohin.

Ba inan-aman sira, nia fó hanoin atu labarik sira labele kona moras dengue entaun tenke kontinua fó hatais ba labarik sira uza kamisa liman naruk no toba mós iha muskiteiru laran.

“Labarik sira ne’ebé mak hetan moras dengue iha sala perinatolojia HNGV ne’e, labarik idade tinan rua no tinan tolu ne’ebé mak baixa iha sala pediátria nian tanba kauza husi moras dengue,” nia infroma.

Jornalista : Felicidade Ximenes

Editór        : Rafy Belo

HAKEREK NO HATÁN

Please enter your comment!
Please enter your name here