Ministru Estadu Prezidénsia Konsellu Ministru, Hermenegildo Augusto Cabral Pereira. Imajen/Egas Cristóvão

DILI, 05 fevereiru 2020 (TATOLI) – Ministru Negósiu Estranjeiru no Kooperasaun, Dionísio da Costa babo Soares, aprezenta Projetu Rezolusaun Governu atu regula aplikasaun no ezekusaun medida temporária konaba-ba interdisaun no restrisaun entrada iha territóriu nasionál ba sidadun estranjeiru sira ne’ebé mai Timor-Leste mai husi Repúblika Populár Xina.

Ministru Estadu Prezidénsia Konsellu Ministru, Hermenegildo Augusto Cabral Pereira, informa diploma ne’e relasiona ho risku ne’ebé mai husi Virus Corona.

“Rezolusaun ne’e sei hetan revizaun iha kada semana rua hodi tetu tenke para ona ka kontinua nafatin”, tenik governante ne’e iha Palásiu Governu, kuarta ne’e.

Ministru Negósiu Estranjeiru no Kooperasaun, Dionísio da Costa babo Soares, dehan rezolusaun ne’e nia kontiúdu ba passajeiru husi provínsia Hubei proibidu tama iha Timor-Leste, liu-liu sira ne’ebé mak iha ne’ebá durante loron 14 nia laran.

Ministru Negósiu Estranjeiru no Kooperasaun, Dionísio da Costa babo Soares. Imajen Tatoli/Egas Cristóvão

“Parte seluk husi Xina, rezolusaun ne’e insiste atu bele mai ho medical clereance hanesan atestadu ne’ebé rekoñesedu internasionál. Ba sira (sidadaun xinez) ne’ebé iha Timór hanesan esepsionadu no la abranje kategoria ne’e”, akresenta.

Governante ne’e subliña, rezolusaun ne’e mós indika Ministra Saúde interina, Élia António de Araújo dos Reis Amaral, atu bele identifika no halo akompañamentu atu garante insidente ne’ebé bele prejudika saúde públika.

“Esepsaun balun husi rezolusaun ne’e, prinsipálmente ba sidadaun xinez rezidente no sira ne’ebé serbisu iha Timor-Leste. Maibé sira ne’ebé foin to’o iha ne’e no iha sujeitu sei hetan akompañamentu husi médiku ho rigorozu para evita kualker implikasaun”, nia salienta.

Jornalista: Julia Chatarina

Editór: Xisto Freitas

HAKEREK NO HATÁN

Please enter your comment!
Please enter your name here