Sidadaun Indonézia, Wilma Litaay, ne'ebé mos ohin simu sertifikadu sai sidadaun TL akompaña husi nia la'en nu'udar Timoroan. Imajen/Domingos Piedade

DILI, 04 fevereiru 2020 (TATOLI) – Governu liu husi Ministériu Justisa (MJ), ohin, atribui sertifikadu notariadu nian ba sidadaun estranjeiru na’in  129 ne’ebé ho vontade hili sai sidadaun naturalidade Timor-Leste.

Notísia Relevante : Sidadaun Estranjeiru Na’in 129 Sai Sidadaun Naturalizasaun TL

Husi sidadaun estranjeiru hirak nee, maioria sidadaun Indonézia ho ema na’in 120. Sira lubun ne’e inklui mós Wilma Litaay ne’ebé mai husi Ambon.

Wilma Litaay espresa katak, nia kontente tebes bele sai sidadaun Timor-Leste tanba dezde tinan 1999 nia hela iha Timor nu’udar espoza husi Timoroan ida, mas ohin bele hetan sertifikadu nu’udar ona sidadaun Timor-Leste.

Nia agradese ba Estadu Timor-Leste ne’ebé bele fó oportunidade ba nia atu sai sidadaun Timor-Leste no agradese mós ba família sira ne’ebé mak kontinua suporta prosesu hotu atu ohin nia bele sai ona sidadaun Timor.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here