Sekretária Estadu Igualdade no Inklusaun, Maria Jose da Fonseca Monteiro de Jesus, akompaña hosi Sekretáriu Estadu Komunikasaun Sosiál, Mericio Juvenal dos Reis Akara, ohin loke formasaun kona-ba igualdade jeneru ba profesionál mídia komunikasaun sosiál iha salaun Maria Goreti, Obrigado Barack Kaikoli. Imajen António Goncalves

DILI, 04 fevereiru 2020 (TATOLI)-Sekretáriu Estadu Igualdade Jéneru no Inkluzaun (SEII),  ohin, halo enkontru ho instituisaun Mídia sira, Sekretáriu Estadu Komunikasaun Sosiál (SECOMS-sigla portugés), Konsellu Imprensa (CI-sigla portugés) no parseiru dezenvolvimentu sira hanesan Programa Monitotizasaun Sistema Judisiária (JSMP) no Fundasaun Ázia, hodi ko’aia kona-ba polítika ba promosaun igualdade jéneru.

“Ita hakarak enkontru ida sai regular nune’e ita bele fahe informasaun ba malu maibé, ida ne’e sei kontinua formasaun ba ita-nia jornalista sira husi mídia oioin atu kontinua halo advokasia no halo abordajén ba  jéneru,” dehan Sekretariu Estadu, Maria José Fonseca Monteiro de Jesus, ba TATOLI ohin iha salaun enkontru, Caicoli Dili.

Notísia Relevante : Papél Mídia Importante ba Promove Igualdade Jéneru

Mídia sira iha papel importante hodi trasmite informasaun ba públiku ho loloos baseia ba igualdade jéneru atu feto sira labele kontinua hetan deskriminasaun iha sosiadade nia leet.

SEII promete sei kontinua estabelese kooperasaun no kordenasaun ho orgaun komunikasaun sosiál sira iha Timor-Leste.

Notísia Relevante : Igualdade Jéneru Sai Hanesan Sentru Ba Prosesu

“Ho ita nia hamutuk ohin loron ne’e hodi esforsu saida mak ita halo ona iha promosaun igualdade no Inkluzaun no dezafiu saida mak ita sei kontinua hasoru iha servisu loron-loron ninian, atu nune’e ita hamutuk haree oinsá mak ita bele komunika no koordena di’ak liután ba oin,”nia salienta.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here