Reprezentante sira husi ESG 4 Setembru UNAMET iha kompetisaun Jornál Parede. Imajen: Rafy Belo

DILI, 04 fevereiru 2020 (TATOLI) – Eskola Ensinu Sekundariu Jéral (ESG) 4 de Setembro UNAMET iha regulamentu hodi regula estudante sira. Iha regulamentu ne’e, iha mós regra ne’ebé proibe ka bandu estudante sira atu la partisipa iha atividade letiva to’o dala tolu. Se ida ne’e akontese, eskola sei halo xamada ba inan-aman sira hodi halo deklarasaun no kuandu la iha mudansa sei entrega fali ba família.

Diretór ESG 4 Setembru UNAMET,Imajen/Tomé Amado

“Ita labele abuza bebeik estudante sira atu halo tuir sira nia hakarak. Se lae públiku liliu inan-aman sira dehan eskola laiha planu atu eduka oan sira,” Diretór Sergio A. dos. Santos da. Cruz ba Agência TATOLI, iha ninia gabineti ESG 4 de Setembro UNAMET Balide, ohin.

Tuir nia, eskola hahú ona ho regra foun kona-ba oráriu eskola nian ne’ebé ejize estudante sira atu kumpre. Tanba estudante sira obrigasaun iha tempu dader, minutu toleránsia 08:15 liu husi oras ida ne’e portaun taka ona. Ne’eduni se mak mai tarde laiha autorizasaun atu partisipa iha prosesu aprendijazen.

“Ita sei haruka sira fila maibé absénsia prezensa iha sala-de-aula kontinua la’o. Se mak la iha aula konsidera falta. Kuandu estudante ne’e mak kontinua repete hahalok hanesan ne’e to’o dala tolu sei hetan xamada ba inan-aman hodi mai halo deklarasaun maibé kuandu repete beibeik laiha dalan seluk eskola sei intrega estudante ne’e ba familia hodi buka eskola seluk”.

Maneira ida ne’e, tuir ezekutivu ne’e katak eskola halo atu evita persepsaun inan-aman sira nian kuandu hare notas oan sira nian la di’ak depois fó sala ba profesór ka mestre sira nu’udar edukadór mak hanorin la di’ak.

“Tanba ne’e mak eskola hahu halo prevensaun hodi evita hahalok sira ne’e atu estudante sira bele kumpre sira-nia obrigasaun ho loloos.

Notísia relevante:Eskola ESG 4 Setembru UNAMET Vensedór “JOPAR”

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here