Ministra Solidariedade Sosiál no Inkluzaun, Armanda Berta dos Santos. Imajen/Egas Cristovão

DILI, 04 fevereiru 2020 (TATOLI)-Ministra Solidaridade Sosiál no Inkluzaun (MSSI), Armanda Berta dos Santos, apresia ho prestasaun servisu hosi instituisaun solidaridade sosiál 35 tanba presta servisu sosiál sira ba komunidade no grupo vulneravel sira ho di’ak.

Nia dehan iha tinan 2019 liubá, MSSI liuhosi orsamentu tranferénsia públika  fó ona apoiu orsamentu ba instutisaun solidaridade sosiál sira hanesan orfanatu, sentru komunitária, uma mahon, no organizasaun noun govermentál (NGO-sigla inglés).

Notísia Relevante : MSSI Apoiu Osan Rihun 115-resin ba Instituisaun Solidaridade

Tuir relatóriu ezekusaun no monitorizasaun rasik hosi MSSI nian ba instituisaun hirak ne’e  hatudu rezultadu servisu ida efisiénsia no efikásia ba komunidade.

Notísia Relevante : MSSI Tau Millaun Rua Apoiu Instituisaun Solidariedade Sosiál

“Maiória ita simu ona relatóriu hosi instituisaun solidaridade sosiál sira ne’ebé hetan apoiu fundu submensaun públiku iha 2019,no implementa duni tuir proposta no atividade sira,”dehan, Armanda Berta dos Santos, hafoin asina akordu ho instituisaun solidaridade sosiál 30 iha Salaun Ministériu nian Caicoli, ohin.

Notísia Relevante : FOKUPERS Ezekuta ona Osan Hosi Governu Porsentu 90

Governu sei kontinua atu servisu hamutuk ho parseiru no instituisaun solidaridade sosiál sira hodi implementa polítika no progama governu hodi dezenvolve programa sosiál iha nasaun ida ne’e.

Jornalista  : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here