Diretor Jerál STAE, Edgar Sequeira Martins. Imajen/Osório Marques.

DILI, 03 fevereiru 2020 (TATOLI)-Sekretariadu Tékniku Administrasaun Eleitorál (STAE), iha orsamentu sufisiente hodi emite kartaun eleitorál ba sidadaun ne’ebé maka atinji ona tinan 17 ba leten durante fulan-janeiru.

Diretor Jerál STAE, Edgar Sequeira Martins, ohin informa ba Agência TATOLI via telefone, katak durante fulan-janeiru, Ministériu Financas aloka dotasaun orsamentu temporáriu (DOT) ba STAE liliu ba bens servisu hamutuk rihun 14.

Notísia Relevante:STAE Emite Kartaun Eleitorál ba Eleitór Foun 16.426

“Husi osan  $ 14.000,  aloka ba bens servisu nian tanba ne’e ami kontinua fó atendementu ba sidadaun sira ne’ebé mak tinan to’o ona 17,”dehan, Edgar Sequeira Martins.

Nia tenik tan, ho orsamentu ne’e hodi fasilita osan viajen ba funsionáriu sira, kombustivel no seluk tan bainhira halo servisu bá munisípiu.

Notísia Relevante:STAE Emite Kartaun Eleitorál ba Eleitór Foun 16.426

STAE  konsege fó ona atendimentu ba públiku iha Munisípiu 12 inklui Rejiaun Administrativu Espesiál Oé-Cuse Ambeno (RAEOA) hodi hetan kartaun eleitorál foun.

“Ami garante katak ami-nia osan duodesimu sei  finansia ba ami-nia atividade atendementu ba Munisípiu hotu,” nia hatutan.

Edgar Sequeira Martins, hateten STAE sei kontinua fó atendimentu ba públiku atu halo kartaun eleitorál durante fulan fevereiru.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here