Karta Kondusaun.

HERA, 03 fevereiru 2020 (TATOLI)-Sidaudaun sira preokupa ho sistema atendimentu no tratamentu inklui renovasaun ba karta kondusaun husi DNTT (Diresaun Nasionál Transporte Terrestre), iha Hera, tanba blanku laiha.

José da Silva Borges

José da Silva Borges nu’udar sidadaun ida ne’ebé trata mós karta kondusaun informa, ba Agência TATOLI katak nia parte sente triste tanba nia halo renovasaun ba nia karta kondusaun dezde tinan 2019 nune’e to’o agora seidauk iha blanku própriu.

“Ha’u mai halo renovasaun ba karta kondusaun iha tinan kotuk, nune’e husi  parte DNTT pronúnsia loron 23 janeiru 2020 atu foti orijinalidade husi kartaun refere maibé hau mai iha ne’e la konsege foti tanba husi parte DNTT adianta fali ba loron ohin dia 3 fevereiru hodi foti kartaun ne’e maibé realidade karta kondusaun refere ató agora só halo atualizasaun dt ba fulan 3 ka 6 hodi hein nia orijinalidade husi kartaun orijinál ne rasik,” José da Silva Borges haktuir iha edifísiu DNTT, Hera, ohin.

Nia salienta katak husi parte DNTT Hera fó hatene ba sira katak ne’ebé atu trata karta kondusaun ka halo renovasaun ba karta ne’e atu aguenta tanba la sufisiente tanba ne’e sira ne’ebé mai ikus, sei la hetan karta kondusaun ho nia blanku orijinál no sei fó de’it provizóriu hodi hein orijinál.

Ho situasaun ne’e, sidaudaun timoroan ne’e espresa nia sentimentu katak triste tanba ho distánsia ba hodi trata ka renova karta kondusaun no konsidera mós katak sira sente lakon tempu hodi husik hela sira-nia servisu atu hetan karta kondusaun ida ho nia blanku orijinál.

Tanba ne’e, nia ne’e sujere ba parte relevante atu hadi’a sistema atendimentu serbisu nian no halo karta kondusaun ida ne’ebé ho nia orijinalidade nune’e labele impede sira-nia tempu barak iha DNTT, Hera.

Notísia relevante:DNTT Laiha ona Karta Kondusaun Orijinál no Libreti

Jornalista : Nelia Borges

Editór       : Rafy Belo

HAKEREK NO HATÁN

Please enter your comment!
Please enter your name here