Presidente Institutu Nasionál Seguransa Sosiál (INSS) Longuinhos Armando. Imajen/Tatoli Egas Cristovao

DILI, 03 janeiru 2020 (TATOLI)-Governu Portugal iha tinan 2019, fó ona apoiu tékniku kona-ba Information Tecnology (IT), no konsolidasaun sistema seguransa sosiál ba funsionáriu hosi Institutu Nasionál Seguransa Sosiál, Ministériu Solidaridade Sosiál no Inkluzaun (MSSI).

Prezidente Konsellu Administrasaun INSS, Longuinhos Armando, hateten, Governu Timor-Leste reprezenta hosi MSSI estabelese ona memorandu intendimentu (MoU-sigla inglés) ho Portugal iha loron 16 abríl 2019 hodi fó apoiu tékniku no formasaun rekursu umanu ba INSS.

Notísia Relevante: Aplikante ba Rejime Kontributivu Seguransa Sosiál Aumenta

“Portugal fó apoiu signifikante tebes ba konsolidasaun sistema Seguransa Sosiál iha Timor-Leste iha parte tékniku,formasaun no seluk tan,”informa, Longuinhos Armando ba Agência TATOLI, iha ninia servisu fatin Caicoli, ohin.

Notísia Relevante: Ho NISS Funsionáriu Bele Identifika Valór SS

Ho akordu ne’e, nia dehan, INSS konsege haruka ona funsionáriu na’in sanulu bá tuir formasaun iha Portugal iha área finanseira hodi halo jestaun ba osan ne’ebé ko’a hosi funsionariu públiku, no traballador setór privadu ne’ebé kontribui ba rejime kontributivu seguransa sosiál.

Notísia Relevante: TL-Portugal Asina Akordu Kooperasaun Kona-ba Konsolidasaun S3

MSSI hetan benefísiu boot hosi MoU ne’e tanba konsege kria sistema seguransa sosiál no IT.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here