Ministru Justisa, Manuel Cárceres da Costa. Imajen/Antonio Goncalves

DILI, 03 fevereiru 2020 (TATOLI) – Ministru Justisa, Manuel Cárceres da Costa, informa, nia parte entrega ona identidade ou naran sira “mafia justisa”  ba Komisaun Funsaun Públiku (CFP) atu bele hola medida disiplinár.

Notísia Relevante : Disputa Rai Kaitehu, MJ Promete Sobu “Mafia” Justisa

MJ mós hatama ona karta ba Ministériu Públiku (MP) liu husi Prokuradór Jerál da Repúblika, José Ximenes, atu bele loke prosesu legál ba “mafia” lubun ne’ebé MJ identifika iha prosesu disputa rai Kaitehu, Postu Administrativu Bazartete, Munisípiu Liquiça.

“Ita boot husu ba iha Komisaun Funsaun Públika (CFP) atu restaura prosesu disiplinár ba funsionáriu sira no sira ne’ebé mak iha indísiu ba krime, no seluk fali mak ha’u haruka tiha ona karta ba Ministériu Públika,” informa Ministru Manuel Cárceres da Costa, hodi responde Agênsia TATOLI,  bainhira remata enkontru ho Prokuradór Jerál Repúblika, José Ximenes, iha edifísiu Ministériu Justisa, sesta loro-kraik (31/01/2020).

Notísia Relevante : Bankada Governu Husu Ministru Cárceres Deskobre Ona ‘Mafia’ Justisa

Liuhusi sorumutuk ne’e, Prokuradór Jerál Repúblika, José Ximenes, konfirma mós katak, nia parte simu ona karta husi MJ kona-ba asuntu ida ne’e no PJR mós sei toma atensaun ba kestaun ne’e.

Notísia Relevante : Sobu ‘Mafia Justisa’, MJ Dehan Labele Ansi

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here