Koordenadór EBC Rumbia, Abílio Pereira da Conceição

DILI, 03 fevereiru 2020 (TATOLI)-Koordenadór Eskola E. B. F (Ensinu Báziku Filiál) Rumbia, Caicoli, Abilio Pereira da Conceição informa, agora dada’un iha sala ida akumula estudante hamutuk 40 to’o 50 tanba totál estudante barak.

“Uluk iha 2000 no 2009, 2008 ne’e bo’ot liu tanba, totál ne’e to’o 1.000 no 85 (kada sala-de-aula),” Koordenadór Abilio Pereira da Conceição ba Agência TATOLI iha nia kna’ar fatin, ohin.

Tanba ne’e, tuir ezekutivu ne’e katak antes ne’e propoen ba Ministériu Edukasaun no nia parte hetan despasu husi ministériu hodi fahe ba turno tolu. Nune’e, profesór sira iha estabelesimentu ensinu ne’e mós kumpre despasu ne’e.

Turno tolu ne’e, ida tama tuku hitu ho balun to’o tuku 10 ho balun. Tuir mai, segundu turma tama 12.45 to’o 13.30 no turno datolu tama fali 13.45 to’o 17.50. “Depende ba númeru alunu ninia barak no depois sala ne’ebé la akomoda hothotu ema atu hala’o dadersan hotu de’it, ou paralela rua de’it. Dadersan ho lorokraik ne’e ha’u hanoin la iha problema”.

Nia esplika, tanba populasaun eskolár barak, depois sala atu akomoda la to’o, tenke halo turma tolu.

“Primeira no segunda turno ne’e uza oras letiva mínima, atu nune’e bele halo quatro horas, ida ne’ebé ezije husi kurríkulu ne’e bele priense. Agora ida terseiru turno ne’e la’e, ida ne’e la’o aula normál ho oras 55 minutu kada disiplina kada oras, ne’ebé ita buka meius halo hanesan ne’e para bele responde ba nesesidade eskolár ne’ebé iha”.

Iha fatin hanesan, responsável másimu, iha estabelesimentu ensinu Rumbia ne’e iha sala-de-aula neen. “Sala neen ne’e, ita tenke jere halo didi’ak para alunu sira bele frekuenta hotu, oinsá prosesu ensinu aprendijazen hala’o hotu hanesan”.

Karteira sala-de-aula iha eskola, nia esplika, labele akomoda, karteiras ne’e liu fali totál ne’ebé alunu sira iha no kapasidade ne’ebé sala ne’e iha. “Karteira sala ida, nia bele lori de’it 20 karteira, karteira sira ne’ebé hanesan karteira maten labele sobu no hasai nia metin tanba, karteira ne’e todan ida,” subliña profesór ne’e hodi relata mós katak karteira 20 ba alunu 40.

Entretantu, iha tinan létivu ne’e totál estudante EBF Rumbia, Caicoli, liu ema 600. “Númeru ne’e hanesan tun sa’e hela, bele mós transferénsia tama mai, bele mós transferénsia ne’ebé sai, ida ne’e seida’uk fiksu, maibé iha fim períodu trimestre, ita foin bele hatene loloos totál alunu ne’ebé fiksu,” Koordenadór Abilio Pereira da Conceição.

Notísia relevante:Husi 2019 To’o Agora, EBF Rumbia La Asesu Programa ME

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here