Jogadór ekipa AD SLB (faru kor mean no mutin) hadau bola. Imajen/Hortençio Sanchez

DILI, 31 janeiru 2020 (TATOLI) – Asistente treinadór Klube Zigante Makikit Laulara alias AD. SLB, José Carlos da Fonseca, informa daudaun ne’e sira hahú ona treinamentu hodi prepara ba époka 2020 ne’ebé sei realiza abríl mai ne’e.

“AD.SLB hahú daudaun ona treinu rekoperasaun ba époka ida agora,” dehan Fonseca ba Agência TATOLI via manseger, sesta ne’e.

Nia mós hanesan assistente treinadór iha klube zigante ne’e maibé to’o ohin loron iha époka dalimak ne’ebé besik ona, nia rasik seidauk hatene loloos sei hamutuk ho se.

“Hau mos seidauk hatene loloos sei nafatin iha SLB ka lae, maibé iha posibilidade boot sei nafatin maski sei hein mos xamada husi jerente klube atu hatene loloos kona-ba situasaun ne’e,” nia dehan.

Enkuantu, maioria kondisaun jogadór di’ak hotu, nune’e SLB preparadu no prontu hatudu dezempeñu di’ak iha 2020 no hadi’a hikas dezempeñu ne’ebé tun maka’as iha époka 2019 liubá.

Alende ne’e, SLB hanesan klube ida-ne’ebé sai kampiaun dahuluk iha liga dahuluk Timor-Leste nian iha 2015.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here