Prezidente Rede Feto Timor-Leste, Judite Dias Ximenes, halo entrevista ho jornalista sira. Imajen/Dok.TATOLI

DILI, 31 janeiru 2020 (TATOLI) -Rede Feto Timor-Leste sei servisu hamutuk ho Universidade da Paz (UNPAZ) hodi haree ba asuntu jéneru iha sosiedade Timor-Leste.

Notísia Relevante : Rede Feto Aposta Plataforma Prioridade Hitu

Foin lalais ne’e, Rede Feto ho UNPAZ asina ona akordu kooperasaun ho pilár importante haat (4). “Foin ba dahuluk ami hala’o akordu ho sosiedade akadémika atu haree ba asuntu jéneru nian,” informa Prezidente Rede Feto, Judite Dias Ximenes, ohin, ba Ajénsia TATOLI iha edifísiu Fundasaun Alola, Maskarinhas, Dili.

Pilár importante haat sai hanesan mata dalan ba akordu kooperasaun Rede Feto ho UNPAZ ne’e, kompostu husi; da-uluk, estabelese servisu konjunta foku ba kapasitasaun no disemina informasaun ba asuntu jéneru ba iha tantu membru Rede Feto, estudante no iha sosiedade nune’e mós sei introdús matéria jéneru no dezenvolvimentu iha kurríkulu hodi hanorin estudante sira.

Notísia Relevante : Rede Feto Lansa Plaka Marsa Timor Saudavel

Daruak, advokasia no peskiza bele hala’o oinsá influénsia polítika ho lei sira. Datoluk, halo rede servisu, oinsá alunu sira hala’o estájiu iha terrenu atu servisu hamutuk no ikus liu (Dahaat) maka hametin instituisaun rua ba oin.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here