Estudante Filial Era Ulu, Letefoho tuir hela fomatura antes atu tama ba sala escola hodi tuir aktividades apredisazen

DILI, 31 fevereiru 2020 (TATOLI) – Dotasaun Orsamentu Temporáriu (DOT) 2020 ho montante millaun $3,332.231 ne’ebé Ministériu Finansa (MF) aloka ba konta bankaria munisípiu sira atu aselera Programa Merenda Eskolár (ME) ne’e sei la korresponde ba eskola hotu iha territóriu Timór laran tomak.

“Kuandu ita haree didi’ak totál Orsamentu ne’ebé mak Ministériu Finansa aloka ba konta bankaria munisípiu sira nian atu aselera programa Merenda Eskolár ne’e la korresponde tanba orsamentu ne’e ki’ik demais”, Diretór Nasionál Finansa Munisípiu (DNFM), Ministériu Administrasaun Estatál (MAE), Valenti de Fátima Guterres ba Agência TATOLI, iha ninia gabinete MAE Colmera, ohin.

Tuir nia, verba millaun $3 ital ne’ebé sei utiliza ba ME tenke iha ona kalkulasaun ba númeru estudante sira, tan ne’e presiza iha preferénsia ne’ebé eziste. Ne’eduni tenke iha númeru ne’ebé los. “Entaun munisípiu sira mak hatene”.

Nia dehan, agora daudaun alokasaun DOT ho montante refere aázeia ba 25 sentavu la’ós 50 sentavu. Entaun kada alunu ida han dala ida hetan hira ida ne’e mak sira vezes fali ba loron 194 efetivu iha tinan ida.

“Kuandu ita haree fali programa Merenda Eskolár liuhusi DOT ne’e dadaun 12 Munisípiu ne’e kada fulan hetan $3,332.231 miloens orsamentu ne’e mak sei tama hela iha kategoria bens servisu”.

Entretantu, husi totál orsamentu refere kuandu fahe ba eskola hotu iha munisípiu laran tomak kada eskola ida atu hetan hira?. Signfika katak sei lahalo buat ida tanba osan ne’e ki’ik loos. Maibé, DNFM espera katak governu inisia fali proposta foun depois MAE hamutuk ho munisípiu bele hadi’a fali orsamentu sira ne’e.

Notísia relevante:Duodésimu Implika Oráriu Merenda Eskolár

Jornalista    : Tomé Amado

Editór          : Rafy Belo

1 KOMENTÁRIU

  1. Baseia ba realidade ita hatene mak osan. Osan nee laiha eskola lalao, estudante paradu, maibé kestaun seluk inklui Kualidade ladi’ak ona mos. Maibé sei mosu bebeik ita nia failansu sira nee maibé ita sei buka alternatives atu haree no planifikasaun osan ba Merenda ho alokasaun sira iha Municipiu hotu sei la too keta tau ba kestaun basta mak Oinsá afirma ita nia diretores municipiu tomak atu konfirma direita iha aprovasaun Orsamento DOT nee.
    Tanba selae gestaun laiha ba Merenda!! Hmm ita bele simu konsikuensia Labarik la Han sira dehan Ami lahan taun Ami la ba ona eskola.

HAKEREK NO HATÁN

Please enter your comment!
Please enter your name here