Mapa Pobreza. Imajen/Egas Cristovão.

DILI, 31 fevereiru 2020 (TATOLI) –Ministériu Administrasaun no Estatál (MAE) liuhusi Diretór Nasionál Finansa ba Munisípiu (DNFM), Valenti de Fátima hateten, Programa Orsamentu Rekorrente Munisípiu (PROM), Programa Dezenvolvimentu Integradu ba Munisípiu (PDIM) no Programa Nasionál Dezenvolvimentu Suku (PNDS) mak sai programa prinsipál, nu’udar espiritu ka isin no ran ba munisípiu sira atu hala’o dezenvolvimentu.

“Maibé hahú husi janeiru no fevereiru ne’e ita iha de’it Programa rua mak tenke inisia ona mak hanesan PNDS no PDM maibé tanba agora ita lao hela ho situasaun duodesimu. Tan ne’e ita la halo buat foun presiza ajusta de’it hodi hein hela governu foun,” Diretór Valenti de Fátima Guterres ba Agência TATOLI iha ninia gabinete Ministériu Administrasaun Estatál (MAE), Colmera, ohin.

Nia dehan, programa no PDM ne’e to’o agora seidauk iha instrusaun. Tanba sei lao hela ho Dotasaun Orsamentu Temporáriu (DOT). Agora kabe ba Orsamentu Jerál Estadu (OJE) 2020  Husi DNFM nian liuhusi aprezentasaun OJE 2020 aprezenta ninia orsamentu ho montante millaun $135. Oramentu ne’e sei kobre ba munisípiu 12 kapta mós kategoria lima. Maibe husi total orsamentu refere kuandu konklui ninia rezultadu finál, munisípiu sira hetan de’it mak millaun $ 71. 595.

Tuir ezekutivu ne’e, molok orsamentu ne’e atu lao, MAE hamutuk ho munisípiu sira deside programa prioridade no nesesidade saida mak sira presiza atu hala’o ho justifikasaun orsamentu sira entaun konsege hatuur programa tolu mak prinsipál duni atu alkansa.

Maibé prosesu la’o tiha ona agora kontinua hein instrusaun foun hodi halo elaborasaun. entaun tenki ajusta fila fali. Entretantu, orsamentu ne’ebé depois hetan ko’a ne’e MAE simu fila fali husi Ministériu Finansa (MF) hodi adapta valór ida ne’e ba kada fulan. “Entaun Programa rua ne’ebé presiza atu aselera tenke hein ajustamentu”.

Notísia relevante:MAE Prepara ba Desentralizasaun Administrativa

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here