Hapara abuzu seksuál. Imajen/Google

DILI, 31 janeiru 2020 (TATOLI) – Tribunal Distritál Dili (TDD), liu husi audiénsia primeiru interrogatóriu, ohin, deside aplika Termu Identidade Rezidénsia (TIR) ba arguido AN tanba prezumivel komete  krime abuzu seksuál ba minor iha artigu 177 Kódigu Penal.

 Tuir faktu katak iha  dezembru 2019, arguido tula lezada ba iha salaun futsal Benfica, nia kotuk iha Caicoli ho intensaun. To’o iha fatin refere, suspeitu rein lezada no derrepente de’it lezada nia inan kaer toman.

Iha prosesu produsaun provas ne’ebé halo iha loron  25 janeiru 2020 iha audiénsia julgamentu arguido deklara no rekoñese halo duni aktu ne’e, tanba arguido ho lezada namora malu hela.

Ho deklarasaun arguido nian ne’e fó hanoin ba Tribunal atu presiza iha investigasaun profunda atu bele justifika prova akuzasaun sira ne’e.

Julgamentu ne’e, prezide hosi Juiz titular, Edite Palmira, Ministériu Públiku reprezenta husi Prokuradór Domingos Barreto no suspeitu hetan asisténsia legal husi Defensór Públiku.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here