Arguida JC. Imajen/Domingos Piedade

DILI, 30 janeiru 2020 (TATOLI) – Tribunál Distritál Dili (TDD), liu husi Juiz Evangelino Belo, ohin, foti desizaun hodi aplika pena suspensaun ba arguida  inisiál JC ne’ebé komete krime ofensa integridade fízika simples.

Notísia Relevante : Tribunál Julga Arguida JC Tanba Komete Krime Ofensa Integridade Simplis

Arguida JC nu’udar fen ki’ik husi membru Parlamentu Nasional ida nian iha lejizlatura da-lima  ho inisiál LG  ne’e halo agresaun fízika hasoru lezada OF nu’udar Deputadu LG nia fen boot iha kedas Eskuadra Polisia Aimutin, Dili, foin lalais ne’e.

Defeza Miguel Faria, konsidera desizaun TDD aplika prizaun tinan ida no suspende tinan ida, fulan neen ho  pena multa, liuliu selu kustu judisiáriu $30.00 kombina duni ho prova sufisiente.

“Ha’u hanesan defeza rona ona deklarasaun husi arguida, lezada no depoimentu sufisiente duni atu TDD aplika desizaun ne’e, maske hau husu pena multa,” hateten Miguel Faria ba jornalista sira iha TDD hafoin akompaña nia kliente JC iha julgamentu.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here