Núnsiu Apostóliku, Monseñor Marco Sprizzi. Imajen/António Gonçalves

DILI, 30 janeiru 2020 (TATOLI) – Núnsiu Apostóliku, Monseñor Marco Sprizzi rejeita informasaun ne’ebé mak dehan Papa Francisco hakarak mai vizita Timor-Leste iha tempu badak.

“Ha’u otimista maibé seidauk iha komunikasaun ofisiál. Saida mak deklara ona, la’ós komunikasaun ofisiál, hanesan iha Indonézia ne’ebé imi haree sai iha mídia balun la’ós komunikasaun ofisiál”, tenik Monseñor Marco iha Palásiu Governu, kinta ne’e.

Notísia Relevante: Papa Francisco Hakarak Vizita Timór Maibé Seidauk iha Desizaun

 Biban ne’e, nia dehan, informasaun ne’ebé sirkula hanesan rumór.

“Ha’u bele dehan ofisialmente, ha’u otimista, maibé seidauk iha komunikasaun ofisiál. Ita espera bele iha vizita ne’e mak bele ita komunika fali ho alegria, maibé kuandu seidauk ita tenki hein ho konfiansa no otimizmu”, nia subliña.

Antes ne’e, Monseñor Marco bainhira hasoru malu ho Prezidente Repúblika, Francisco Guterres Lú Olo, deklara ba mídia sira katak Papa Francisco hakarak atu hala’o vizita mai Timór maibé to’o agora seidauk iha desizaun.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here