Ministru Ensinu Superiór, Siénsia no Kultura, Longuinhos dos Santos. Imajen/TATOLI

DILI, 30 janeiru 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos konkorda, atu halakon Rejime Oportunidade, Rejime Espesiál no Rejime Jerál atu sai ida de’it hodi tau alternativu atu foka liu ba méritu.

“Ha’u tau iha konsiderasaun hakarak halakon rejime tolu ne’e atu nune’e ita bele konsentra hodi buka méritu de’it,” Ministru Longuinhos dos Santos ba jornalista sira iha MESSK Colmera, ohin.

Tuir nia, avaliasaun ba funsionamentu rejime tolu ne’e mak sai indikadór ba Ministériu hodi tetu. Tanba bainhira lei fó ona oportunidade no rejime jerál ne’e, kuaze estudante barak mak la rejistu no barak mak hili dalan klaran sai tiha.

“Kestaun sira ne’e mak sai nu’udar problema ida. Ne’eduni ho rekomendasaun ne’ebé mak mosu husi entidade relevante sira ha’u tau iha konsiderasaun bainhira atu halakon rejime ne’e, ha’u aseita,” nia dehan.

Nia esplika, atu halakon rejime tolu ne’e depende ba alterasaun lei Númeru 36/2009 ne’e rasik. Karik tinan ida ne’e konsege halo alterasaun lei ne’e ramata 2021, rejimi tolu ne’e bele apaga ona maibe ba oin presiza halo estudu ida kle’an.

Notísia relevante:Governu Ho UNTL Esklarese Polémika Réjime Espesiál Ba PN

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here