Xefe Bankada CNRT, Duarte Nunes. Imajen Tatoli/Egas Cristóvão

DILI, 30 janeiru 2020 (TATOLI)—Xefe Bankada Parlamentár Congresso Nacional de Reconstrução de Timor (CNRT), Duarte Nunes, afirma governasaun Aliansa Mudansa ba Progresu (AMP) kontinua ka la kontinua CNRT preparadu.

“Dehan kontinua, ita kontinua. Dehan la kontinua ami (CNRT) siap (preparadu). Kontinua ka la kontinua ne’e iha ne’ebá (AMP) iha estrutura. Nia (Taur Matan Ruak) maka portavós dehan laiha ona, ha’u atu dehan labele ka?”,  Duarte informa ba jornalista sira ho liafuan badak, iha resintu Parlamentu Nasionál, kinta ne’e.

Xefe Bankada CNRT ko’alia asuntu ne’e hafoin Primeiru-Ministru (PM), Taur Matan Ruak, reafirma katak AMP la eziste ona.

Lee mós: Taur Kontinua Defende AMP La Eziste Ona

“Dehan ami vota abstain (abstensaun) ne’e maka situasaun sai tiha hanesan ne’e. Ne’ebé, ha’u atu ko’alia saida?”, nia argumenta.

Nia parte lakohi komenta liután asuntu ne’e, tanba dirijente sira iha AMP maka iha kompeténsia ko’alia kestaun ne’e.

Jornalista: Evaristo Soares Martins

Editór: Xisto Freitas

1 KOMENTÁRIU

HAKEREK NO HATÁN

Please enter your comment!
Please enter your name here