Meza Bola Guling. Imajen/Espesiál

DILI, 29 janeiru 2020 (TATOLI) –Arguido na’in lima, kompostu husi JS, PB, DB, FM ho CS, tersa horiseik, tenke ba tuur iha kadeira Tribunal Distritál Dili nian tanba envolve iha loke atividade bola guling ne’ebé kontra Lei 06/2016 kona-ba Rejime Jurídiku Lisensiamentu no Esplorasaun Tradisionál.

Tuir akuzasaun Ministériu Públiku nian katak, iha loron 08 janeiru 2019, 23h30, iha Aldeia Tuana-Laran, Suku Vila Verde, Postu Administrativu Vera Cruz, Munisípiu Dili liu husi PNTL detein arguido nain lima ho halo mós apreensaun ba osan hamutuk $1.336.00 nu’udar evidénsia.

Ministériu Públiku konsidera arguido sira halo atividade esplorasaun jogu tradisionál “bola guling” la iha autorizasaun husi autoridade kompetente, liuliu Inspektór Jerál Estadu (IGE), ne’ebé serbisu ba bazeia lei dekretu númeru 06/20016, loron 26 Abríl kona-ba rejime jurídiku no lisensiamentu, esplorasaun no kontrola atividade jogus no mákina jogus nian.

Ministériu Públiku liu husi Prokuradór Aderito Tilaman, akuza sira ho krime esplorasaun jogu ilísitu ne’ebé mak prevista iha artigu 322 iha kódigu penal Timor Leste.

Audiénsia julgamentu nee adia hikas fali ba loron 25 maiu 2020, tuku 09:00 Otl.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here