Estudante UNTL misa iha igreja katedrál, Dili. Foto FB: Lauvy Nyzha

DILI, 29 janeiru 2020 (TATOLI) – Ministériu Ensinu Superiór Siénsia no Kultura (MESSK) halo mudansa ba númeru estudante ne’ebé tuir ona asesu atu tama ba Universidade Nacional Timor Lorosa’e (UNTL) aumenta ba rihun haat resin.

“Proposta ne’ebé UNTL aprezenta antes ne’e hamutuk 3 mil ital ne’ebé sei fahe UNTL no IPB. Maibé, agora ita halo mudansa ida hodi aumenta tan ninia númeru,” Ministru Longuinhos dos Santos ba jornalista sira iha Palácio do Governo, ohin.

Tuir nia, desizun ne’ebé MESSK foti hodi aumenta tan númeru ne’e tanba hare ba ninia espasu. Signifika Governu hakarak lori Instituisaun Públiku ne’e hetan ninia krediblidade. Tan ne’e la’ós limite númeru estudante maibé espasu mak limitadu.

Agora ejizénsia ne’ebé Governu simu katak hotu hotu tenke asesu ingresu ba UNTL, ida ne’e lases husi esperiénsia tinan kotuk ne’ebé estudante barak liu. Razaun ida ne’e mak tenki simu tuir ninia estandarizasaun.

“Ita mós lakohi UNTL nu’udar Institutu Públiku kontinua hetan sufisiente husi avaliasaun ANAAA nian. Tan ne’e ita hakarak garante duni ninia kualidade ho númeru ne’ebé ita deside ona”.

Governante ne’e informa, sistema avaliasaun ne’ebé mak ANAAA halo ne’e padraun Internasionál. Tan ne’e kada sala ida másimu 25 to’o 35. “Agora liu husi ida ne’e kuandu avaliasaun tuir mai nafatin ho sufisiente entaun afeta ona ba progresu kualifikasaun nian”.

Notísia relevante:KAIS Aprezenta Ona Rezultadu Korresaun Teste Asesu UNTL Ba MESSK

Jornalista : Tomé Amado

Editór       : Rafy Belo

 

HAKEREK NO HATÁN

Please enter your comment!
Please enter your name here