Médiku xinés sira iha HNGV. Imajen: Felicidade Ximenes

DILI, 29 janeiru 2020 (TATOLI)- Brigada Médiku Xineza sira iha Timor-Leste hato’o mesajen ba komunidade xineza iha Timor-Leste kona-ba virus Corona ne’ebé mak espalla iha nasaun balun liu-liu ba ema sira ne’ebé mak fila husi fatin afetadu hanesan Provinsia Wuhan iha Xina

“Bainhira hetan sintoma ruma izola aan iha loron 14 nia laran iha uma hodi hatene loloos moras ne’e,” Brigada Médika xineza iha Timor-Leste, Huang Dan, ba jornalista sira liuhusi konferénsia imprensa iha Opsitál Nasionál Guido Valadares (HNGV), ohin.

Nia hatutan, durante iha fatin izolamentu ema refere labele kontaktu ho ema seluk no tuur iha sira-nia fatin bainhira sintoma ruma hanesan isin-manas, inus-been, me’ar, fani no isin komesa kolen entaun tenke uza maskara atu labele da’et ba ema seluk.

Brigada Médika Xineza iha Timor-Leste ne’e hateten, se iha sintoma ruma bele lalais ba HNGV hodi halo tratamentu.

Tanba iha HNGV ita ativu tebes hodi prepara fatin izolamentu ida ba kazu sira ne’e, entaun ba timoroan hotu liu-liu ba komunidade sira ne’ebé mak afetadu bainhira fila husi fatin afetadu labele kontaktu ho ema sira ne’e.

Ema ne’ebé  foin fila husi fatin afetadu, nia dehan, tenke mesak iha uma maizumenus loron 14 nian laran hodi sente katak nia ne’e la hetan infesaun mak mak nia foin livre husi infeksaun.

Molok loron 14 nia laran iha fatin de’it banhira nia hetan sintoma ruma influénsia nian bele hakat lalais ba sentru saúde ne’ebé mak besik. Depois husi sentru saúde sira hatene ona oinsá atu kanaliza para ba fatin izolamentu entaun ida ne’e mak bele ba iha HNGV.

Tanba ne’e mak hanesan brigada médika xineza iha Timor-Leste, hakarak hato’o informasaun ne’e ba sidadaun Timor-Leste nomós xineza sira ne’ebé mak iha Timor-Leste kona-ba virus Corona ne’ebé mak ita hotu rona no hatene. Hein katak, virus Corona ne’e ne’e labele tama mai to’o iha Timor-Leste.

Notísia relevante:Sintoma Virus Corona

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here