Labele lori sasán kro'at sira ne'e iha fatin públiku. Imajen/Egénio Pereira

DILI, 29 janeiru 2020 (TATOLI) – Lori sasán kro’at, hanesan tudik, katana no seluk-seluk tan, iha fatin públiku, konsidera krime ona.

Iha tinan 2017, Governu aprova ona lei armas branka no kriminaliza ema ne’ebé mak lori sasán kro’at iha fatin públiku.

Juiz Antonio Fonseca liu husi audiénsia julgamentu ba kazu ho númeru Nuc.0161/19/DIMCR ba krime armas branka ne’ebé mak komete husi arguido inisiál APM hasoru lezadu ho inisiál NM afirma katak, Estadu bandu ona atu ema lori sasán kro’at iha fatin públiku, maibé kontinua eziste  nafatin iha Timor-Leste.

“Kualkér sidadaun ne’ebé mak lori no kaer armas branka hanesan tudik no katana iha estrada konsidera krime ona, satan uza ba ameasa ema vida konsidera komete ona lei armas branka,” afirma Juiz Antonio Fonseca nia ba arguido ho inisiál APM liu husi audiénsia julgamentu, ohin, iha TDD.

Iha lei númeru 5/2017 ko’alia kona-ba rejime jurídiku relativa no pratika arte marsiál no rituaís, armas branka, rama ambon no alterasaun kódigu penal.

Iha biban hanesan, juiz ne’e mós lamenta ho arguido APM tanba la hatene didi’ak ninia identidade rasik hanesan naran, data moris, suku no aldeia nia naran.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here