Termu asina hodi entrega telefone sira hosi Chefe Gabinete Komunikasaun Timor Telecom Jose Agustinho da Costa Ho SEPS Alexandrino Xavier Araújo iha salaun SEPS kaikoli,Ohin.imajen Media SEPS

DILI, 29 janeiru 2020 (TATOLI)-Kompañia Telekomunikasaun Timor Telekom (TT), ohin, entrega ona telemovél hamutuk 15 ho modelu smartphone kompleta ho simcard ba Sekretáriu Estadu Protesaun Sivíl (SEPS) hodi fasilita servisu pontu fokál iha munisípiu 12, inklui RAEOA ba atende dezastre naturál.

Apoiu ne’e entrega diretamente hosi Xefe Gabinete Komunikasaun Timor-Telekom, José Agostinho da Costa ba Sekretáriu Estadu Protesaun Sivíl, Alexandrino Xavier Araújo, iha Edifisiu SEPS, Caicoli, Dili.

Reprezentante Kompañia Timor Telekom  espera ho apoiu ne’e sei fasilita liután servisu SEPS nian, liliu pontu fokál sira iha munisípiu hodi halo komunikasaun bainhira atende dezastre naturál.

Iha biban hanesan, Sekretáriu Estadu Alexandrino Xavier de Araújo, agradese ba apoiu ne’e tanba sei fasilita di’ak liután servisu pontu fokál iha munisípiu 12 inklui Rejiuan Administrativu Espesiál Oé-Cusse Ambeno (RAEOA0.

“Telemovel hirak ne’e sei distribui ba pontu fokál dezastre iha munisípiu 12 inklui RAEOA. Tanba ne’e husu bainhira fasilidade hirak ne’e distribui ona atu funsionáriu sira utiliza ho kuidadu ba nesesidade servisu la’ós uza ba privadu,” tenik Governante ne’e.

Kompañia TT mós apoiu internet router 4G ho kartaun prepagu gratuita durante tinan ida ba SEPS.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here