Imajen/DNGM-TL

DILI, 28 janeiru 2020 (TATOLI) – Diresaun Nasionál Meteorolojia no Jeofízika (DNMG) fó sai katak, posibilidade sei akontese udan no anin boot, iha semana ne’e, hahú husi loron 28 janeiru to’o loron 01 fevereiru 2020.

Komunikadu ne’ebé fó sai husi DNMG  klarifika ba komunidade sira katak informasaun ne´ebé mak foin lalais ne´e fó sai husi Timor-Leste Meteo Clima (TLMC) relasiona ho previzaun tempu ba loron 28 to´o loeon 01 fevereiru ne´e loos.
Ho nune’e, DNMG hakarak kompleta liu tan previzaun kona-ba udan ho intensidade moderadu to´o forte akompaña ho anin ne’ebé mak iha posibilidade atu akontese tuir data ne´ebé mak mensiona iha leten.

Rejiaun sira ne´ebé mensiona iha kraik atu toma kuidadu ba “mau tempo” iha ne´ebé sei akontese udan ho intensidade moderadu to´o forte akompaña ho rajadas de vento (anin ne´ebé mai derrepente).

Área sira ne´ebé mak iha tendénsia atu akontese eventual ida nee mak hanesan:
Munisipiu Manatuto – rajadas do vento varia entre 25 to´o 40 km/h.
Atauro – rajadas do vento varia entre 35 to´o 50 km/h.
Lautem – rajadas do vento varia entre 45 to´o 60 km/h.
Dili – rajadas do vento varia entre 30 to´o 45 km/h
Baucau – rajadas do vento varia entre 35 to´o 50 km/h
Viqueque – rajadas do vento varia entre 30 to´o 45 km/h
Maliana – rajadas do vento varia entre 30 to´o 40 km/h
Ermera – rajadas do vento varia entre 25 to´o 40 km/h.
Ainaro – rajadas do vento varia entre 25 to´o 35 km/h.
Aileu – rajadas do vento varia entre 20 to´o 35 km/h.
RAEOA – rajadas do vento varia entre 20 to´o 35 km/h.

Eventual ida ne´e akontese tanba iha diferensa presaun entre Ázia no Austrália alémde hetan influénsia mós husi Monsaun Ázia-Australia.

Hatán ba previzaun ne’e Sekretáriu Estadu Protesaun Sivíl (SEPS), Alexandrino Xavier Araújo, hateten, SEPS liu husi orientasaun Primeiru Ministru Taur Matan Ruak, preparadu hodi hala’o atuasaun ba komunidade hotu ne’ebé karik afeta husi dezastre naturaís.

Jornalista : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here