Estudante Estudante Eskola Ensinu básiku Filial 12 Otubru Tasitolu. Imajen/Antonio Goncalves

DILI, 28 janeiru 2020 (2020) –Ministériu Edukasaun, Juventude no Desportu (MEJD) hamutuk ho Ministériu Agrikultura no Peska (MAP) inklui Ministériu Administrasaun Estatál diskute hamutuk atu halo revizaun ba Manuál Merenda Eskolár (MME) estudante ensinu báziku sira.

“Ita iha Estatál la halo intervensaun ba ideia sira ne’ebé atu kontribui hodi hadi’a, tantu diploma operasionál ho ninia legál sira. Maibé, tenke liuhusi órgaun sira ne’ebé kompetente,” Diretór Nasionál Finansa Munisípiu, Valenti de Fátima Miranda ba Agência TATOLI iha salaun Ian Martin, Matadoru, ohin.

Tuir nia, estatál kontinua servisu hamutuk ho MEJD inklui ministériu relevante sira seluk tanba programa ida ne’e envolve setór barak. Politikamente, diskusaun ba revizaun MME ne’e realiza duni tanba MEJD rona ideia MAE nian.

“Politikamente sira mak ínisia matadalan ida ne’e entaun ita hamutuk kontribui hodi hadi’a polítika ne’e tuir ninia prosedementu legál sira ne’ebé mak di’ak. Entaun kuandu manual Manuál Merenda Eskolár ne’e mak konklui ona tenke hetan aprovasaun husi Estatál no MEJD”.

Ne’ebé, ezekutivu ne’e esplika, asisténsia téknika haree husi aspetu polítika ne’ebé MAE ho MEJD mak agora hala’o dadaun.  Tanba ne’e, ho diskusaun ne’ebé mak hala’o daudaun ne’e bele hetan kontribuisaun ideia husi reprezentante sira husi munsípiu atu mellora servisu atendimentu ne’e ho di’ak liután.

Diretór Valenti esplika tan katak MAE tau ninia preokupasaun ba programa MEJD ne’e tanba MEJD, politikamente, intrega servisu ida ne’e ba sira ho buat tolu ne’ebé importante; funsionáriu, orsamentu no ekipamentu. Maibé, programa MEJD ne’e lao ona iha dalan klaran entaun orsamentu ne’ebé mak MEJD entrega ne’e la mai ho pakoti. Signifika fahe rua.

“Ita rekoñese programa Merende Eskolár ne’e buat foun entaun ita seidauk familiár ho matadalan sira ne’e. Entaun atividade ne’e la’o ho tempu naruk mak ita foin identifika programa ne’e iha problema barak ne’ebé presiza hadi’a”.

Notísia relevante:MAP Espera Ho Revizaun Manuál ME Bele Benefísia Agrikultór

Jornalista    : Tomé Amado

Editór          : Rafy Belo

HAKEREK NO HATÁN

Please enter your comment!
Please enter your name here