Treinadór Lalenok United FC, Yance Matmei. Imajen Mídia LFA

DILI,  28 janeiru 2020 (TATOLI)–Treinadór Lalenok United FC, Yance Matmei hateten sira sei esforsu maka’as iha jogu ikus Playoff Asian Football Confederation (AFC) 2020 nune’e bele hetan vitória maski la fásil kontra nia adversáriu PSM Makasar.

“Ami kontinua esforsu atubele manán iha jogu ne’e. Maibé, ha’u só fiar iha Maromak atu haraik nia grasa tomak atu ami  bele manán maibé ne’e la fásil,” Yance ba Agência Tatoli via email, tersa ne’e.

Lee mós: Lalenok Derrota 1-4 ho PSM Makassar

Nia dehan, kondisaun jogadór maioria di’ak maibé só guarda rede mak iha difikuldade uitoan tanba iha jogu dahuluk komete erru hodi hetan tiha kartaun mean.

Entretantu, jogu ne’ebé sei hala’o iha Bogor, Indonézia, 29 janeiru 2020, hanesan jogu dala ikus iha Playoff AFC nian, basaa iha jogu dahuluk Lalenok derrota ona ho rezultadu 4-1.

Fó hanoin mós katak jogu daruak ne’e Lalenok tenke manán ho golu 5 ba leten nune’e bele ultrapasa ba grup H Liga Champion Asia 2020. Bainhira Lalenok Lakon maka obrigadu Lalenok tenke hela hodi hein ba tinan oin.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here