Imajen embaixadór foun na'in-sia ne'ebé ohin simu tomada pose husi Prezidente Repúblika. Imajen Tatoli/António Gonçalves

DILI, 28 janeiru 2020 (TATOLI)–Embaixadór Timor-Leste dezignadu ba Kambódia, Hermenegildo Lopez ‘Kupa’, konsidera embaixadór sira ne’ebé hala’o misaun diplomátika iha rai-li’ur hanesan lalatak Estadu nian.

“Ami hanesan embaixadór ne’e iha prinsípiu hanesan sai Estadu nia lalatak, tantu atu lori misaun dame ba rai ne’ebé ami sei lokaliza hanesan bá Europeia, Ázia no seluk tan atu promove ita-nia kultura,  situasaun rai-laran no ita-nia istória ba sira nune’e komunidade rai-li’ur bele akompaña situasaun merkadu rai-laran”, Kupa tenik iha Palásiu Governu, tersa ne’e.

Iha parte seluk, Embaixadór Timor-Leste ba Reinu Unidu no Irlanda Norte, Gil da Costa, hateten misaun diplomata balun sei atrai investidór bá rai-laran.

“Ita iha ona prosesu no agora daudaun ita-nia Governu tau esforsu tomak atu justifika ita-nia ekomonia. Tanba ne’e, ami-nia misaun balun maka oinsá atu atrai investidór sira atu bele dudu ita-nia ekonómia rai-laran bá oin”, nia hateten.

Jornalista: Julia Chatarina

Editór: Xisto Freitas

HAKEREK NO HATÁN

Please enter your comment!
Please enter your name here