DILI, 27 janeiru 2020 (TATOLI)-Sekretáriu Estadu Protesaun Sivíl ho Badan Nasionál Penanggulangan Bencana (BNPB) hosi Repúblika Indonézia dadaun ne’e, iha ona konkordánsia tékniku no legál atu estabelese ona memorandu intendimentu (MoU-sigla Inglés)iha tempu badak iha área protesaun sivíl.
“Agora ita hein termina de’it loron atu asina de’it ona,”afirma Sekretáriu Estadu Protesaun Sivíl, Alexandrino Xavier de Araújo ba Agência TATOLI, iha edifísiu Bombeiru Kampung-Baru Comoro Dili, ohin.
Notísia Relevante :TL-RI Sei Asina MoU Hodi Atende Dezastre iha Liña Fronteira
Kooperasaun MoU ne’e foka ba pontu importante tolu, pontu da-huluk sei hala’o atuasaun konjunta entre Governu Timor-Leste ho RI hodi atende dezastre naturál no inséndiu bainhira akontese ba komunidade iha liña fronteira trestre no Tasi nasaun rua nian.
Da-ruak, sei utiliza informasaun no teknolojia hodi deteta dezastre naturál no pontu ikus maka BNPB prontu atu fó formasaun rekursu umanu ba pesoál Bombeiru kona-ba atuasaun dezastre naturál.
Notísia Relevante :TL ho RI Sei Estabelese MoU Protesaun Sivíl
Governante ne’e, esplika tuir loloos akordu ne’e asina ona iha fulan-dezembru 2019 maibé adianta to’o tinan ida ne’e tanba governu konsentra ba deskusaun proposta OJE 2020.
Nune’e mós parte rua iha hela prosesu elaborasaun finál ba MoU refere.
Jornalista : Nelson de Sousa
Editór : Francisco Simões
