Diretór Jerál Serkretariadu Tékniku Administrasaun Eleitorál (STAE), Edgar Siqueira Martins. Imajén/ Osória Marques

DILI, 27 janeiru 2020 (TATOLI)-Sekretariadu Tékniku Administrasaun Eleitorál (STAE) iha ona planu, iha tinan 2020 ne’e  sei  aktualiza dadus hodi prodús kartaun eleitorál foun ba eleitores iha Munisípiu 12 inklui Rejiuan Autónomu Espesiál Oé-Cusse Ambeno (RAEOA).

Diretór Jerál STAE, Edgar Siqueira Martins, informa programa ne’e sei realiza hafoin orsamentu jerál estadu 2020 aprova  iha Parlamentu no promulgadu hosi Prezidente Repúblika, Francisco Guterres Lú Olo.

Notísia Relevante:STAE Emite Kartaun Eleitorál ba Eleitór Foun 16.426

“Tuir loloos ami implementa ona atualizasaun raíz katak Ita sei atualiza hotu fali eleitores ne’ebé rejista ona no ita sei fó kartaun eleitorál foun ho modelu foun. Maibé Orsamentu Jerál Estadu la pasa entaun ami suspende tiha bainhira iha ona osan defenitivu mak ami foin implementa,” dehan, Diretór Jerál STAE, iha Servisu Fatin Caicoli,ohin.

Notísia Relevante:STAE Kontinua Atualiza Kartaun Eleitorál ba Eleitór

Nia dehan, agora dadaun ekipa tékniku dezenvolve hela sistema no dezenu hodi implementa programa ne’e iha tempu oin mai.

“Sei aplika resensamentu biométrico ne’ebé mak grava matan no mós liman fuan maibé agora ita hanoin de’it grava liman fuan no hanoin atu moderniza entaun aktualiza raíz ba eleitores hotu no sistema atendementu,”tenik tan.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here