Toilet públiku Largo Lecidere. Imajén Tatoli/ Osória Marques

DILI, 27 janeiru 2020 (TATOLI)-Autoridade Munisípiu Dili, oras ne’e koloka ona seguransa hamutuk ema na’in neen hodi fó seguransa no hamoos  sanitária públika iha jardín Largo Lecidere Dili hahú loron 23 fulan-dezembru 2019 liubá.

Notísia Relevante:Ema Moras Mentál Estraga Lampu iha Largo Lecidere

Autoridade Munisípiu Dili kontratu pesoál seguransa hirak ne’e hosi kompaña Nelces hodi asegura sasan estadu ne’ebé maka konstrui ona iha Jardín Largo Lecidere.

“Ami husi kompaña  Nelces ne’ebé mak hetan orientasaun husi Munisípiu Dili hodi tau matan no asegura sasan ne’ebé mak ita-nia Governu oferese ona mai Ita,”informa Supervisór kompaña Nelces, Angelito do Carmo,  ba TATOLI, iha Jardín Largo Lecidere,ohin.

Notísia Relevante:Governu Seidauk Aplika Kobransa ba Utilizadór Toilet Públika

Pesoál seguransa hirak ne’e fahe ba grupu dader no lokoraik, ekipa dader tama servisu hahú tuku 07:00 to’o tuku 19:00 kalan Otl, depois troka ho ekipa kalan no servisu durante loron hitu, segunda to’o domingo.

Supervisór  ne’e realsa sanitáriu públiku  iha fatin ne’ebá gratuita ba utilizadór sira no seidauk iha planu atu aplika koima ba vizitante sira hodi selu.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here