Prezidente Administrasaun Autoridade Aviasaun Civil Timor-Leste (AACTL), Rosália Ximenes Varela. Imajen/ Tatoli Egas Cristovão

DILI, 27 janeiru 2020 (TATOLI) – Prezidente Autoridade Aviasaun Timor-Leste (AACTL, sigla portugés), Ana Rosália Ximenes Varela, hateten uza duodésimu la fó impaktu ba serbisu autoridade nian tanba orsamentu ne’e sufisiente.

Dotasaun Orsamentu Temporáriu (DOT) janeiru nian ba AACTL nia hamutuk $76,666.67, ba saláriu no vensimentu $23, 679.00 no bens no servisu $52,987,67.

“Maske situasaun polítika hanesan ne’e, ita uza osan duodésimu, maibé ba ami nu’udar ema profisionál, kontinua hatudu serbisu ne’ebé di’ak no ami-nia orsamentu duodésimu ne’ebé ami hetan sufisiente”, nia dehan ba Ajénsia TATOLI iha Caicoli, ohin.

Nia husu ba funsionáriu AACTL tomak atu hatudu serbisu tuir saida maka iha ona, nune’e bele fó atendimentu di’ak ba povu liuhosi aviasaun sivíl rasik.

“Ha’u husu ba funsionáriu sira tenke hatudu profisionalizmu no lealdade nafatin hodi serbí nasaun no povu maske ita hasoru situasaun polítika ladún di’ak”, nia enkoraja.

Jornalista : Natalino Costa 

Editora : Maria Auxiliadora

HAKEREK NO HATÁN

Please enter your comment!
Please enter your name here