Advogadu Privadu, Ismael A. Lopez, nu'udar defeza ba arguido na'in 7 ne'ebé mak taa polisia iha area Aimutin, Dili. Imajen/ Domingos Piedade

DILI, 27 janeiru 2020 (TATOLI) – Defeza ba arguido sira taa membru Polisia Nasional Timor-Leste (PNTL) iha area Aimutin, Dili, foin lalais ne’e, sei halo rekursu ba Tribunal Rekursu kona-ba desizaun primeira instánsia (Tribunal Distritál Dili) ne’ebé aplika prizaun preventiva ba arguido JC ho LC.

Notiísia Relevante : TDD Aplika Pena Prizaun Preventiva ba Arguido Taa Membru Polisia

Ismael A. Lopez nu’udar defeza ba arguido na’in hitu  (7) ho inisiál hanesan JS, JP, AA, AC, ZC, JC no LC,  sei halo rekursu ba Tribunal Rekursu, tanba nia konsidera  la iha indísiu forte, atu aplika prizaun preventiva ba nia kliente JC no LC.

Arguido sira ne’ebé Polisia Nasional Timor-Leste (PNTL) kaptura tanba halo asaltu taa kanek membru PNTL iha area Aimutin, Dili. Imajen /Eugénio Pereira

Iha semana liu ba desizaun TDD aplika prizaun preventiva ba arguido na’in rua; JC ho LC no arguido na’in lima (5) seluk aprezentasaun periódika ba postu polisia ne’ebé mak besik.

“Ha’u nu’udar defeza ba arguido nain rua ne’ebé mak tama prizaun preventiva la simu desizaun primeiru instánsia, tanba la iha indísiu forte katak altura ne’ebá arguido na’in rua la koñesimentu ba asaun hasoru polisia refere,” afirma Ismael A. Lopez, ba Ajénsia TATOLI, ohin, iha TDD.

Notiísia Relevante : Grupu ho Atributu Arte Marsiál Taa Membru PNTL

Daudaun ne’e husi parte defeza ba arguido na’in hitu halo hela elaborasaun atu halo rekorre ba Tribunal Rekursu, liuliu atu retira husi prizaun preventiva no aprezentasaun periódika de’it.

Ministériu Públiku promove krime tentativa omisídiu simples ne’ebé previstu iha artigu 138 kódigu penal moldura ne’ebé mak aas liu tinan tolu (3) ba leten ba arguido na’in hitu  tanba konsidera krime grave liu.

Notísia Relevante : Jenerál Lere Lamenta TDD Husik Livre Autór Taa Membru F-FDTL ho PNTL

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here