Prezidente Komisaun A Parlamentu Nasionál, Carmelita Caetano Moniz. Imajen/Tatoli Egas Cristovao

DILI, 27 janeiru 2020 (TATOLI)—Prezidente Komisaun A (trata asuntu Justisa no Konstitusionál), Deputada Carmelita Caetano Moniz, promete sei finaliza Lei Antí Korrupsaun (LAK) molok termina V Lejizlatura.

Prezidente Komisaun A ne’e hanoin ona katak iha kuarta semana ne’e sei prodús ajenda kona-ba kontinuasaun diskusaun Lei Antí Korrupsaun.

Lee mós:Tinan Ne’e, PN La Konsege Finaliza LAK Tanba Sei Ajusta ho Referénsia 

Nia dehan, ajenda ne’e sei diskute kona-ba Lei Podér Lokál no kontinuasaun Lei Antí Korrupsaun.

“Ha’u fiar lejizlatura ida-ne’e sei finaliza Lei Antí Korrupsaun”, Prezidente Komisaun A ne’e informa ba Agência TATOLI, iha resintu Parlamentu Nasionál, segunda ne’e.

Antes ne’e, Prezidente Parlamentu Nasionál, Arão Noé de Jesus da Costa Amaral, hateten Lei Anti Korrupsaun ne’e importante, tanba ne’e diskusaun sei kontinua.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here