Eis Primeiru-Ministru no Atuál Sekretáriu Jerál Partidu FRETILIN, Marí Alkatiri. Imajen Tatoli/António Gonçalves

DILI, 24 janeiru 2020 (TATOLI)–Eis Primeiru-Ministru, Marí Bim Amude Alkatiri, husu ba líder nasionál sira atu para ona hahalok hamonu malu.

“Antes ne’e ha’u hateten ona katak aliansa kontra natura ninia vida sei la naruk. Sai vítima fali mak Taur Matan Ruak. Aban bainrua, lahatene, sé fali mak atu sai tan vítima. Ne’e labele kontinua hanesan ne’e. Líder nasionál sira para ona ho hahalok hamonu malu. Ita-nia rai ne’e tenke la’o bá-oin. Labele kaer nafatin hodi ke’e rai ko’ak ida depois hamate ida no haksoit liu”, nia dehan ba jornalista sira iha Palásiu Prezidente Nicolau Lobato, Bairru Pité, Dili, sesta ne’e.

Nia konsidera katak atuál Primeiru-Ministru VIII Governu Konstitusionál, Taur Matan Ruak, sai vítima ba koligasaun Aliansa Mudansa ba Progresu (AMP).

Konsiderasaun Alkatiri nian ne’e, tanba tuir nia haree katak koligasaun Aliansa Mudansa ba Progresu mak hamonu malu rasik iha dalan klaran.

“Ita-nia istória hatudu katak, ohin aliadu, aban inimigu fali ona. Ne’e mak susar. Ita tenke buka situasaun ida para kria fali konfiansa entre ita”, Alkatiri sujere.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here