Foto Espesial

DILI, 24 janeiru 2020 (TATOLI) – Eskola Bázika Filiál (EBF)12 de Outubru, Tasi-tolu, konsumu bee-meer tanba kanu distribuisaun bee mós ne’ebé liga ba eskola refere kotu impaktu husi projetu reabilitasaun Estada Tasi-tolu.

 “Tuir loloos ne’e ami nia eskola la susar ba bee-moos. Maibé tanba projetu konstrusaun estrada halo kanu distribuisaun bee moos mai ami nia eskola kotu tiha to’o agora seidauk hadi’a. Hakarak ka lakohi, ami konsumu de’it ho bee-meer,” hateten koordenadora EBF 12 de Outubru Tasi-tolu, Filomena Casmira, ohin, ba Ajénsia TATOLI iha nia servisu fatin.

Nia parte mós halo ona karta koñesimentu ba parte relevante atu responde situasaun ne’e, maibé to’o agora seidauk hetan resposta ruma.

EBF 12 de Outubru, Tasi-tolu, iha  estudante hamutuk 1.400, no manorin nain sira na’in 35 kompostu husi manorin nain voluntáriu nain ualu (8) no manorin nain kontratadu husi Governu na’in 27.

Jornalista : Osória Marques

Editór       : Francisco Simões

 

HAKEREK NO HATÁN

Please enter your comment!
Please enter your name here