DILI, 24 janeiru 2020 (TATOLI)-Prezidente  Komisaun Dili Clothing Festival Beningo Horacio de Jesus Guterres hateten, programa Dili Clothing Festival nu’udar programa kreatividade juventude sira nian ne’ebé foka liu roupa ho identiku Timár nian.

Prezidente Komisaun Dili Clothing Festivál Beningo Horacio de Jesus Guterres. Imajen: Jogerjo Guterres

Atividade ne’e oinsá sira designer roupa no oinsá hatudu kreatividade ba joven sira seluk no mós oinsá atu hatudu ba mundu katak iha Timor mós eziste ona banda lokál.

“Ami esforsu para ba oin promove atividade ida ne’e ho kualidade garantidu,”Prezidente Komisaun Dili Clothing Festival, Beningo Horacio de Jesus Guterres ba Agéncia TATOLI iha edifísiu Sekretariu Estadu Juventude no Desportu (SEJD), Lecidere, ohin.

Nia haktuir, agora daudaun sira eziste ona banda lokál neen mak hanesan OIN AAT, BELE, KUDA TALI, LORICO CREATIVE, MAUDOKO no KULTURA sira mai ho istilu la hanesan ho objetivu la hanesan.

Dahuluk, Oin Aat mai ho estilu husi motivasaun no mós husi kreativu rasik. Daruak bele sira-nia ezisténsia hodi hatudu ba ita katak Timor mós bele.

Datoluk, Kuda Tali sira-nia istilu sempre fó motivasaun ba joven sira. Dahaat, Maudoko sira-nia ezisténsia hatudu ba ita katak la’ós husi roupa deit maibé mai mós husi desportu tanba sira foka liu ba iha área desportu. Dalima, Loriku Creative sira-nia estilu nakonu ho kreatividade. Daneen, Kultura sira-nia ezistensia atu fanu ita katak ita tenke tane aas ita-nia kultura.

“Ha’u apresia tebes tanba ida ne’e hanesan pasu pozitivu ida atu bele dezenvolve ita-nia talentu iha área oi in,” haklaken Prezidente  Komisaun Dili Clothing Festival ne’e.

Entaun agora daudaun, tuir nia, ema intrepeta katak joven ne’e nakonu ho problema, nakonu ho krime tanba ne’e mak tempu to’o ona hodi hatudu ba ema katak joven la’ós autór ba konflitu maibé joven agora autór ba dezenvolvimentu.

Beningo informa tan katak iha atividade ne’e mós iha grupu neen fa’an ida idak nia Kamiza ne’ebè mak sira designer no mai ho ida idak ninia folin tanba iha grupu neen ne’e ho folin ne’ebé la hanesan maibé folin ne’e ki’ik liu menus husi 20 dolár.

Antes ami atu halo programa Dili Clothing Festival ami kolabora hamutuk ho parte seguransa liuliu ba Polisia Martíma atu sai sira-nia seguransa, iha kalan ida ne’e.

“Atividade ida ne’e hnesan pasu inísiu ida ba ami no sei iha kontinuasaun ba oin no ami hanesan komisaun iha planu atu halo anuál no sei realiza tan iha tinan oin mai”.

“Agora daudaun ami foka liu ba área kamisa nian maibé ami mós promove sira ne’ebé iha múzika hodi halo animasaun ba ita-nia joven sira seluk no iha mós parte área kulinaria nia ami mós konvida hodi mai festeza iha atividade ida ne’e,” nia informa.

Artista lokál sira ne’ebé mak hatudu sira-nia talentu mak hamutuk lima hanesan Banda CRL CREW,BLACK JSZ, AMK KG, Dj JUNIOR no DJ LUCIO.

Atividade ne’e loke ba públiku sira tantu ema hotu maibé ho mós iha tiket ema ida ho presu dolár tolu no atividade ne’e hahú loke iha 6:30 lorokraik to’o remata iha 12 kalan.

Jornalista : Felicidade Ximenes

Editór        : Rafy Belo

HAKEREK NO HATÁN

Please enter your comment!
Please enter your name here