Fini Akásia. Imajen/Tatoli.

DILI, 24 janeiru 2020 (TATOLI) – Prezidente Asosiasaun Mariñeiru Timor-Leste (AMTL), Simplício Ximenes, hateten AMTL prepara hela proposta ba Ministériu Agrikultura no Peska (MAP) hodi husu fini Akásia 500 atu kuda iha kapitál.

“Ami prepara ona proposta atu hato’o ba Ministériu Agrikultura no Peska husu ai-oan (Akásia) hamutuk 500 hodi kuda iha área Dili nian”, Simplício ba TATOLI via telefone, ohin.

Nia dehan durante ne’e, AMTL seidauk kuda ai-oan ruma, maibé fulan oin sei halo atividade kuda Akásia iha Dili.

“Ita halo fazeada no tuirmai maka sei haree oinsá posibilidade bele kuda tan”, Simplício dehan.

Nia hatutan, ekipa AMTL sei halo peskiza ba iha área Dili, antes kuda ai-oan.

“Ami sei halo identifikasaun ba área Dili, fatin ne’ebé maka ita presiza kuda nune’e bele hamatak fali sidade Dili tanba ambiente importante mós”, afirma.

Notísia relevante : Ai-Hun Ida, Ida ba Timor-Leste Matak

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here