Komunidade sira lori masa ba kuru bee moos iha bee matan Suku Matai, Munisípiu Covalima. Imajen/Basty Noronha

DILI, 23 janeiru 2020 (TATOLI)-Xefe Suku Fohorem, Postu Administrativu Fohorem, Munisípiu Covalima, Fernando Ferreira, preokupa ho projetu konstrusaun barajen (Bendungan-sigla Indonézia) bee moos hosi Kompaña lokál Lorometan Unipesoal iha suku ne’ebá paradu kuaze tinan tolu-resin ona.

Xefe Suku Fohorem, Fernando Ferreira. Imajen Tatoli/ Domingos Piedade

Servisu Agúa no Saneamentu Nasionál mak na’in ba obra ne’e iha tinan 2016 no implementa projetu ne’e atinje ona porsentu 44.

“Ha’u ata rasik hato’o karta ba Administradór Munisípiu, SAS Munisípiu,, SAS Nasionál, maibé to,o agora laiha rezultadu halo ami halerik ba  bee moos tinan-tinan,”Fernando Ferreira hato’o preokupasaun ne’e liuhosi Agência TATOLI, via telefone ohin.

Ho obra ne’ebé paradu halo komunidade iha Aldeia Lorokida kada tinan sempre falta bee-moos hahú hosi fulan-agostu to’o dezembru.

“Iha Aldeia Lorokida foin dadauk liubá, hahú husi fulan agosto to’o dezembro, komunidade hothotu sosa bee, tula ho motor ojek ho distánsia killometru neen,”nia esplika tan.

Problema falta bee-moos  ne’e afeta ba saúde  komunidade no estudante tanba komsumu hahan la seguru.

Maibé dadaun ne’e, nia informa komunidade sira iha hahú asesu hikas bee moos tanba udan halo bee matan sira mosu fila-fali.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here