TBC. Ilustrasaun

DILI, 23 janeiru 2020(TATOLI)-Iha fulan janeiru Klínika Santo António Motael rejistu moras tuberkoloze hamutuk na’in haat.

“Moras tbc ami kura iha ne’e, hemu aimoruk mós iha ne’e durante fulan neen,” Responsavel Klínika Santo António Motael, Irmã Angelica dos Reis, ba jornalista sira iha Klínika Santo António Motael, ohin.

Moras tbc ne’e, tuir irmã katak la’ós husi Dili laran de’it maibé mai husi Munisípiu sira hanesan Viqueque no Ainaro.”Tratamentu tbc ne’e ai-moruk husi Governu nian maibé kona-ba aimoruk sira seluk ne’e privadu klinika nian”.

“Maibé ba pasiente sira ne’ebé mak atu konsulta iha ne’e rejistu 1 dolar para osan sira ne’e ita hola fila fali ai-mrouk para ai-moruk ne’e labele falta ba sira.
Selu ne’e, la liu husi 20 dolar no la liu husi 30 maibé 8 dolar no 10 dolar sira hanesan ne’e,” Irmã Angelica dos Reis informa.

Nia relata mós katak Kada loron ida hetan pasiente ne’ebé mak ba konsulta iha Klínika Santo António Motael hamutuk 20, se lae 18 no 15. Mínimu mak 10 tun ba karaik.

Responsavel Klínika Santo António Motael, Irmã Angelica dos Reis informa mós katak agora daudaun tempu udan, infeksaun vias respiratóriu mak maka’as no labarik sira mai konsulta ne’e idade tinan neen ba leten to’o tinan rua.

“Semana ida liubá ne’e ami detekta labarik muta-een no moras seluk mak ISPA (Infeksaun vias respiratóriu) maibé moras seluk tan la iha. Labarik muta-been ne’e ami transfere ba Ospitál Nasionál Guido Valadares hodi halo tratamentu,” nia haktuir.

Notísia relevante:Taxa Mortalidade Pasiente TBC Aas Iha Timor-Leste

Jornalista    : Felicidade Ximenes

Editór          : Rafy Belo

HAKEREK NO HATÁN

Please enter your comment!
Please enter your name here