Logotipu PDHJ

DILI, 23 janeiru 2020 (TATOLI)-Diretór Fiskalizasaun no Monitorizasaun, Provedória Diretu Umanu no Justisa (PDHJ-sigla portugés),Bartolomeu Gonçalves, informa basea ba relatóriu monitorizasaun identifika instituisaun estadu maioria maka implementa rekomendasaun PDHJ nian hodi promove diretu umanu no governasaun di’ak.

“Ministériu lubuk boot mak konsege fó resposta kuaze 60 % katak sira konsidera no implementa, foti medidas no mós tau iha planu orsamentu husi rekomendasaun sira PDHJ, nune’e konsidera hatudu rezultadu pozitivu tebtebes,”dehan, nia ba TATOLI iha edifísiu PDHJ Caicoli, ohin.

Notísia Relevante: KFP Sei Prosesa Funsionáriu Tuir Relatóriu PDHJ

Instituisaun Estadu hanesan Ministériu Edukasaun Juventude no Desportu, Ministériu Justisa, Ministeriu Komérsiu Indústria no Ambiente (MCIA-sigla portugés), Ministeriu Saúde maka konsidera rekomendasaun PDHJ hodi implementa iha 2019.

Alende ne’e, Ministériu Agrikultura no Peskas, Polisia Nasionál  Timor Leste (PNTL), Ministériu Estatál, Defensória Públika, Ministériu Transporte no Telekomunikasaun.

Notísia Relevante: PDHJ Husu Governu Hadi’a Governasaun Di’ak

Nia esplika, Ministériu Komérsiu Indústria no Ambiente implementa ona rekomendasaun PDHJ ho prazu loron 60 kona-ba problema foos kuaze tonelada 20 aat iha armazen Tibar, Munisípiu Liquiça.

Ministériu Saúde kona-ba funsionamentu postu saúde Batugade, Postu Administrativu Balibo, Munisípiu Bobonaro abandona. Polisia Nasionál Timor-Leste (PNTL) kona-ba kazu agresaun fízika hasoru komunidade  ne’ebé maka akontese iha postu Administrativu Liquiça, Munisípiu Liquiça.

Notísia Relevante:PDHJ Hetan Irregularidade Distribuisaun Tratór Liman Ba Grupu Agrikultór Sira

Enkuantu, ba Ministériu Edukasaun Juventude no Desportu kona-ba programa merenda eskolár no ensinu rekorente, Universidade Nasionál Timor Lorosa’e (UNTL) nian kona-ba funsionáriu públiku dupla funsaun.

Tuir estatutu PDHJ númeru 07/2004 bainhira instituisaun ida la fó resposta hodi implementga  rekomendasaun ne’e maka PDHJ sei informa ba parlamentu  hodi haree asuntu ne’e.

Notísia Relevante: PDHJ Simu Keixa 88 Kona-ba Mal Administrasaun

No sei aplika sansaun multa $ 500 to’o $ 5000 ba individu ka  grupu ne’ebé maka la marka prezensa hodi fó resposta ba rekomendasaun PDHJ.

Jornalista : Domingos Piedade Freitas

Editór : Francisco Simões

HAKEREK NO HATÁN

Please enter your comment!
Please enter your name here