Ezemplu lixu sira ne'ebé namkari iha kapitál. Imajen Egas Cristovão

DILI, 22 janeiru 2020 (TATOLI)-Xefe Saneamentu Munisípiu Dili, Domingos dos Santos Soriano, informa dadaun ne’e, iha pesoál saneamentu hamutuk ema na’in 220 maka halo limpeza rutina hodi raut lixu iha Kapitál Dili

“Ami-nia ekipa saneamentu halo limpeza rutina iha sidade Dili hamutuk 220 mak halo limpeza ba jardín no dasa fo’er iha dalan públiku sira nomós rekolla foer,”dehan, Xefe Saneamentu Dili, ba TATOLI, iha nia servisu fatin Matadouro,ohin.

Notísia Relevante :Lixu Iha Dili Loron Ida Rekolla De’it Porsentu 45

Nia dehan, pesoál sira halo servisu  ho atensaun atu labele mosu insidente iha estrada públika.

“Uza mákina lere duut ne’e tauk hetan asidente hanesan hisik fatuk hodi kona ema nia karreta ka kona ema,  maibé graças Adeus durante iha tinan-rua nia laran la akontese buat ruma,”tenik tan.

Notísia Relevante :Lixu Bele Afeta ba Imajen Timor-Leste

Tanba iha tinan hirak liubá akontese Munisípiu Dili  obrigatóriu tenke selu osan $ 300 ba komunidade tanba pesoál sira lere duut maka liki fatuk ba kona ema nia karreta hodi rezulta vidru rahun.

Pesoál Saneamentu Munisípiu Dili servisu durante loron lima hahú segunda to’o sexta komesa dader tuku 5:00 to’o 06:30 Otl.

Notísia Relevante :Saneamentu  Dili La Biban Rekolla Lixu  Hotu

Durante ne’e Munisípiu Dili kontrata karreta 50 hosi kompaña  tolu hanesan Kompaña Parapa karreta 24 hodi tula lixu iha Postu Administrativu Dom Aleixo.

Notísia Relevante :Jestór Merkadu Taibesi Preokupa Ho Lixu

Kompaña Nelcis ho karreta sia hodi rekolla lixu iha área Vera-Cruz no komapaña Labelai ho karreta 17 hodi rekolla lixu iha Postu Admnistrativu Nain- Feto no Kristu-Rei.

Jornalista : Osória Marques

Editór : Francisco Simões

HAKEREK NO HATÁN

Please enter your comment!
Please enter your name here