Prezidente Konsellu Diretivu Nasionál Partidu CNRT, Dionísio Soares Babo. Imajen/TATOLI

DILI, 22 janeiru 2020 (TATOLI)–Ministru Negósiu Estranjeiru no Kooperasaun, Dionísio da Costa Babo Soares, rejeita informasaun ne’ebé lansa iha públiku, liuliu iha rede sosiál ne’ebé dehan membru Governu husi partidu CNRT hakarak hatama karta rezignasaun.

Hanesan membru VIII Governu ne’ebé mai husi partidu CNRT, ne’ebé forma Governu husi koligasaun Aliansa Mudansa ba Progresu (AMP), nia dehan, koligasaun ne’e seidauk hasai desizaun ruma kona-ba governasaun.

“AMP seidauk deside buat ida. Tanba ne’e, ita sei serbisu hanesan baibain”, nia hateten iha Palásiu Governu, kuarta ne’e.

Governante ne’e klarifika, informasaun ne’ebé lansa iha sosiál mídia ne’e la loos.

“Iha isu dehan katak AMP fahe malu ne’e isu internet ne’ebé la loos tanba seidauk iha desizaun”, nia subliña.

Jornalista: Julia Chatarina

Editór: Xisto Freitas

 

HAKEREK NO HATÁN

Please enter your comment!
Please enter your name here