Logotipu Tribunál Distritál

DILI, 22 janeiru 2020 (TATOLI)-Xefe Suku Fohorem, Postu Administrativu Fohorem,  Munisípiu Covalima, Fernando Ferreira, hateten durante ne’e ninia parte kanaliza kazu krime ne’ebé maka iha ninia suku liuhosi Ofisiál Polisiamentu Komunitária (OPS) hodi rejistu iha Ministériu Públiku.

Nia informa kazu ne’e akontese distánsia komunidade hela dook hosi Eskuadra Polisia atu hato’o keixa bainhira mosu kazu krime no sivíl sira iha sosiadade nia le’et.

“Ha’u nia mandatu nu’udar Xefe Suku Fohorem observa katak populasaun asesu justisa menus, ho razaun distánsia husi suku Fohorem ba Suai Villa purvolta kilometru  40,”katak nia ba TATOLI, via telefone ohin.

Autoridade lokál ne’e la konfirma loloos totál númeru kazu hira maka nia parte kanaliza ba OPS hodi rejistu ba Ministériu públiku.

Alende ne’e,  nia hatutan hosi kazu ne’e maka durante ne’e nia parte kanaliza ona liuhosi OPS maibé to’o oras ne’e seidauk hatene loloos ninia finalidade.

Suku Fohorem iha aldeia lima, Fatuk Laran, Lo’ohali, Fatuk Bitik, Sadahur no Lorokida ho xefe família 434 ho totál populasaun 1483-resin.

Jornalista : Domingos Piedade Freitas

Editór : Francisco Simões

HAKEREK NO HATÁN

Please enter your comment!
Please enter your name here