Komandante administrasaun PNTL,Superindente Xefi Jose Soares.Imajen/Antonio Goncalves

DILI, 21 janeiru 2020 (TATOLI)-Komandante Operasaun Nasionál  Interinu PNTL, Superintendente Xefe,  José Soares, apela ba populasaun iha territóriu Timor-Leste atu kontribui ho parte  seguransa no defeza  hodi mantein nafatin páz no estabilidade iha rai-laran.

“Ita husik ita katuas sira maka rezolve problema rai laran, nu’udar povu ita moris hakmatek nafatin hodi kontribui ita nia estabilidade rai laran maka importante liu,” informa nia ba jornalista sira iha Kuartél Jerál PNTL Caicoli, ohin.

José Soares, afirma maske situasaun polítika rai laran hasoru hela impase polítika, maibé instituisaun PNTL hala’o ninia kna’ar tuir konstituisaun RDTL, artigu 147 hateten (polisia ho forsa seguransa) defende legalidade demokrátika no garante seguransa interna ba sidadaun hotu hodi fó kontribuisaun ba dezenvolvimentu.

Komandu PNTL ho FALINTIL-FDTL sei kontinua kopera malu no servisu hamutuk hodi halo atuasaun ba kualker krime bainhira mosu iha komunidade nia leet.

Entretantu, situasaun seguransa iha rai laran oras ne’e la’o hakmatek iha territóriu.

Jornalista : Eugénio Pereira

Editór : Francisco Simões

HAKEREK NO HATÁN

Please enter your comment!
Please enter your name here