Adjuntu Autoridade Munisípiu Dili, Jose F. X. Smith. Imajen/Ozoria A. Marques

DILI, 21 janeiru 2020 (TATOLI)-Munisípiu Dili oras ne’e simu ona dotasaun orsamentu temporári (DOT) hosi Ministériu Financas hamutuk rihun 259.613 hodi ezekuta ba saláriu vensimentu, bens servisu no tranferénsia públika durante fulan-janeiru.

Hosi totál orsamentu DOT ne’e aloka ba saláriu vensimentu rihun $ 91, bens servisu  rihun $ 123.4 no tranferénsia públika rihun $ 45.123.

Notísia Relevante:Munisípiu Dili Sei Hapara Pesoál Servisu Hamoos Valeta ho Ezgotu

Adjunto Prezidente Munisípiu Dili, José Ximenes Smith, hateten hafoin halo ajustamentu ba item tolu ne’e hodi identifika alokasaun ba saláriu vensimentu la sufisiente.

Tanba ne’e, Autoridade Munisípiu Dili ne’e sei halo karta koñesementu ba Ministériu Administrasaun Estatál (MAE) no Ministériu Financas atu  konsidera.

“Orsamentu hirak ne’e ami halo ona ajustamentu balu tanba saláriu kuaze ami haree lato’o nune’e ami sei halo karta ida direje ba Ministériu Administrasaun Estatal (MAE) nomós Ministériu Finansas”, katak Jeca Smith ba Agência TATOLI, iha Matadouro, ohin.

Funsionáriu permanente hamutuk na’in 38 maka servisu iha administrasaun Munisípiu Dili.

Enkuantu, alokasaun orsamentu ba kapitál menór no kapitál dezenvolvimentu laiha.

Jornalista  : Osória Marques

Editór : Francisco Simões

HAKEREK NO HATÁN

Please enter your comment!
Please enter your name here