Edifisíu MNEK. Imajen/Espesiál

DILI, 21 janeiru 2020 (TATOLI)-Ministru Negósiu Estrangeiru no Kooperasaun (MNEK), ohin, halo breafing ba embaixadór sira ne’ebé iha Timor-Leste, kona-ba situasaun atuál.

“Ha’u sei iha enkontru ida ho embaixadór sira hotu husi nasaun seluk iha Timor-Leste, atu breafing sira kona-ba situasaun atuál, breafing kona de’it ba saida mak akontese no hateten ba sira katak prosesu ne’e, prosesu ida ne’ebe mak Timór iha tiha ona; esperiénsia dala rua, dala tolu,” Ministru Dionísio da Costa Babo Soares ba jornalista sira hafoin ramata enkotru  Konsellu Ministru iha Palácio do Governo, ohin.

Diplomata ne’e dehan katak embaixadór sira barak ne’e sira-nia rai dala ruma tinan ida bele akontese troka Primeiru-Ministru, Governu dala ha’at ka dala lima. “Ne’ebé, sira la hakfodak, sira sente normal, ita mak sente hakfodak”.

Ministru Dionísio reforsa, nu’udar portavoz governu nian iha asuntu externu país ni’an, tenke fó hatene ba sira, para dehan katak situasaun mak ne’e, sira mantein nafatin sira-nia kalma tanba la iha perigu ida ba nasaun. “Prosesu konstitusionál normál funsiona hanesan governu funsiona hanesan baibain, ita hotu hein Prezidente Repúblika nia desizaun”.

Hatan ba pergunta situasaun ne’e implika ba investidór sira atu mai investe ka lae, Eis-Ministru Justisa iha Sestu Governu katak, hanoin governu mak troka, estadu la troka.

“Estadu la’o nafatin, Governu troka no governu ida mai ne’e nia tenke kumpri nafatin kontratu ne’ebé buat ne’ebé governu ida uluk halo ona, ne’e naran prinsípiu de kontinuidade,  iha governasaun ne’ebé de’it tenke iha prinsípiu kontinuidade”.

“Ita bele hanoin la hanesan ba malu, maibé ita la’ós ba serbi ema seluk ba ita-nia aan, ita serbi povu ida, serbi nasaun ida,” katak diplomata timoroan ne’e.

Diplomata timoroan ne’e aumenta, governu saida de’it mak mai, governu sei onra nafatin komprimisiu anteriór sira hodi fó kontinuanidade ba krebilidade ba ita-nia unidade ho estabilidade ita-nia nasaun.

Nune’e mós, hatan ba pergunta, ita kontinua promeve ita-nia imajen ba rai li’ur, Ministru Dionisio Babo responde: “Sim, ita kontinua”.

Notísia relevante:MNEK “Briefing” Diplomata Sira

Jornalista    : Nelia Fernandes

Editór          : Rafy Belo 

HAKEREK NO HATÁN

Please enter your comment!
Please enter your name here